Stavri Nica u largua nga Kukësi disa ditë më parë për t’i lënë vendin Emiljano Çelës. Por Nica nuk ka vonuar dhe ka gjetur menjëherë “shtëpinë” e re. Tekniku ka surprizuar me ekipin që ka marrë në drejtim.
Nica ka marrë drejtimin e klubit të Shkumbinit, me këta të fundit që militojnë në Kategorinë e Dytë. Kujtojmë që trajnere e klubit peqinas ka qenë, Ilknur Aktash, me këtë të fundit që do të jetë asistente e Stavri Nicës.
Shkumbini ka si objektiv rikthimin në futbollin profesionit, duke nisur nga ngjitja në Kategorinë e Parë. Dhe në këtë mënyrë ka gjetur akordin me një nga trajnerët më të njohur të futbollit shqiptar, siç është 69-vjeçari, Stavri Nica.