Pas sfidës me Kilin, Kombëtarja shqiptare ka vijuar përgatitjet për miqësoren e dytë ndaj Suedisë që do të luhet më datë 25 mars në orën 19:00 në Stokolm. Gjashtë herë jemi përballur me përfaqësuesen nordike.
Në të kaluarën Shqipëria dhe Suedia janë sfiduar vetëm një herë në një ndeshje miqësore që është fituar nga kuqezinjtë me rezultatin 2-1 në vitin 2004. Ndërsa sfidat e tjera kanë qenë të vlefshme për eliminatoret e Kampionatit Botëror, ku përfaqësuesja e Suedisë ka fituar tre takime dhe një ndeshje është ndarë në barazim pa gola 0-0, në stadiumin Qemal Stafa në vitin 2008.
Pas ndeshjes së parë të humbur kundër Portugalisë në miqësore, Jon Del Tommason, i cili pranoi detyrën si trajner më 26 shkurt të këtij viti, do të kërkojë me patjetër fitoren, për të rritur moralin në skuadër. Nuk është se filozofia e trajnerit danez ka ndryshuar menjëherë, në skuadër ka ndërthurje mes brezit të ri dhe futbollistëve që kanë laujtur në Kupën e Botës në Rusi e Katar si Forsberg, mbrojtësi Lindelof, Agustinson dhe portieri Olsen.
LEXO MË TEJ:I harruar prej kohësh nga Kombëtarja, sulmuesi shkëlqen në Turqi, realizon ndaj Trabzonspor (video)
Pa harruar se në sulm kanë lojtarë që luajnë në Premier League dhe janë titullar me skuadrat e tyre. Dejan Kulusevski me Tottenham, Anthony Elanga me Nottingham Forest dhe Alexandër Isak, pjesë e Neëcastle. Lojtarë të të gjithë resepektit dhe me emër në futbollin europian, andaj Shqipëria është e paralajmëruar.