Stadiumi “Ennio Tardini” me një kapacitet prej 22.350 vendesh, do të presë miqësoren mes Shqipërisë dhe Kilit. Impianti pritet të jetë një shtëpi për kuqezinjtë dhe një transfertë e sikletshme për amerikano-jugorët. Parma është një qytet i vogël në veri të Italisë, i dyti nga madhësia pas Bologna-s në Emilia-Romagna, në të cilin jetojnë 6.700 shqiptarë, por numrat janë ndryshe nëse përfshihet i gjithë rajoni, 57.270 shqiptarë, që do ta kthejnë të paktën për një ditë Parmën në një qytet shqiptar.
Më shumë se 13 mijë bileta janë shitur deri paraditen e sotme, gjë që kupton se për të premten në orën 20:45, stadium do të jetë afër kapacitetit të tij të plotë, mbushur me shqiptarë. Për Kilin, praktikisht do të jetë sit ë luajë në “Arenën Kombëtare”, edhe pse po flasim për një Kombëtar, lojtarët e të cilës janë mësuar me stadium kundërshtare e ndeshje të forta në transfertë.