Pas titullit kampion, Partizani pati dëshirë të madhe që të licenconte stadiumin për ndeshjet eleminatore të Champions League, por çdo shpresë binte poshtë së pari për shkak të cilësisë së rrugës. Në kompleksin e të kuqve vazhdojnë punimet, pra është e parakohëshme që të mendosh për asfaltimin përfundimtar të pak qindra metrave, veçse kjo gjë ndikon për keq. Jo vetëm kaq, një element ku klubi kryeqytetas duhet të ndërhyjë është fusha.
Terreni i blertë aktualisht është sintetik dhe është shoqëruar me kritika edhe nga vetë lojtarët e të kuqve. Gjithashtu, nga dëmtimet e shumta, në klub kanë planifikuar vendosjen e fushës natyrale ose hibride. Qëllimi është që kjo të ndodhë pas fundit të sezonit dhe të jetë gati për të ardhshmin.