Skënderbeu po mban një profil të ulët në merkaton e verës, duke u përpjekur të afrojë lojtarë të rinj, të cilët kanë spikatur në sezonin e fundit në skuadrat e Kategorisë Superiore dhe Kategorisë së Parë.
Mbrojtësi i djathtë, Ante Osmanllari, si dhe ai i majtë, Ardit Peposhi, janë të piketuarit e drejtuesve për t’u afruar këtë merkato. Mësohet se me Osmanllarin është arritur në parim marrëveshja dhe mbeten detaje të vogla për të finalizuar gjithçka.
Nga ana tjetër, klubi ka nisur bisedimet edhe me mbrojtësin e majtë, Peposhi, i cili ka qenë në objektivin e Skënderbeut edhe në verën e vitit të kaluar, por në fund zgjodhi të shkonte tek Erzeni.
Xhuljo Tabaku, autori i një goli shumë të bukur në ndeshjen “play out” mes Erzenit dhe Korabit në stadiumin “Niko Dovana” më 4 qershor, është lojtari i radhës që ka rënë parimisht dakord për të veshur fanellën e Skënderbeut.