Skënderbeu ka arritur të mbyllë marrveshjen me një lojtar të ri. Paulo Estrela është zyrtarisht pjesë e klubit korçar.
Lojtari portugez ka nënshkruar me bardhekuqtë për 2 vite e gjysëm dhe do të jetë së shpejti nën urdhrat e teknikut Gjoka. Mesfushori ka kryer testet mjekësore të cilat i ka kaluar me sukses dhe sot është prezantuar tek korçarët.
Estrela ka një karrierë të pasur në Portugali me ekipe si Portimonense apo Porto, që mund të cilësohet maja e karrierës së tij. Iberiku 25 vjeçar pritet si një përforcim me mjaft vlera për ekipin juglindor.
POSTIMI I SKËNDERBEUT
Paulo Estrela zyrtarisht te Skënderbeu!
Mesfushori portugez ka arritur marrëveshjen për 2.5 vite me klubin dhe është zyrtarisht lojtar i Skënderbeut.
25 vjeçari me një të kaluar tek FC Porto dhe Portimonense SC në Superligën Portugeze, ka kryer paraditen e sotme testet mjekësore dhe është bashkuar me grupin në seancën stërvitore.
LEXO ME SHUME: Debutoi me barazim në stolin e Skënderbeut, Ernest Gjoka: Kisha pak ditë në dispozicion, nuk është se bëra…
ERNEST GJOKA NE STOLIN E SKENDERBEUT
Ernest Gjoka nisi me barazim 0 me 0 përballë Tiranës aventurën si trajner i Skënderbeut.Pas ndeshjes deklaroi:
“Mendoj se pjesa e dytë ishte ndryshe. E para vazhdon në trysninë psikologjike të kësaj kohe që nuk kanë pasur ecuri pozitive. Deri diku jam i kënaqur. Këto pak ditë që kisha në dispozicion nuk është se bëra diçka në strategji dhe manovër. Thjesht doja të bëja diçka, të mbushej zona për golin. U munduam të flasim të gjithë si klub për ndryshuar Skuadra në pjesën e parë është si ai njeriu që mban 100 kile në kurriz dhe që i thua vrapo shpejt. Ishte thjesht një punë e shpejt dhe diçka ndryshe, që taktikisht e keni parë.”