Ish-futbollisti i Skënderbeut Uerdi Mara ka shënuar golin e parë me fanellën e Beroe Stara në kampionatin bullgar. Ekipi ku aktivizohet 24-vjeçari luajti sot ndaj Septemvri Sofia, përballje që përfundoi me shifrat 2-0.
Në minutën e 62’ Mara do të futej në fushën e lojës si zëvëndësues dhe me prekjen e parë të topit do të finalizonte një kundërsulm vrasës të ekipit të tij dhe të shënonte golin e dytë të sfidës.
Mesfushori ishte një prodhim i suksesshëm i Skënderbeut që e shiti atë për 150 mijë euro drejt turqve të Ankara Keciorengucu në verën e fundit ndërsa në janar ai do të huazohej në Bullgari. Në 5 ndeshje me Beroe Stara futbollisti është aktivizuar në 405 minuta lojë.