‘Bëmat dhe gjëmat’ e Lulzim Bashës janë të pafundme. E kur mendon se ato kanë mbaruar, pasi ai është në Opozitë prej shumë vitesh tashmë tetë vite në krye të PD-së dhe gati shtatë vite që ka dorëzuar mandatin e kryebashkiakut, mendon se skandal pas skandali ‘bëmat’ e tij janë treguar.
Por, kanë qenë aq shumë sa ditë pas dite dalin të reja.
Gjatë kohës kur ka qenë ministër i Jashtëm, me skandalin e ujërave territoriale me Greqinë, apo kur ka qenë ministër i Brendshëm, me ngjarjet e 21 janarit. Apo kur ka qenë ministër i Transportit, me skandalin e Rrugës së Kombit, e të tjera si këto.
Por, këto janë ato që janë thënë. Ka edhe të tjera të pathëna.
Gjatë kohës që ka qenë kryetar bashkie, Lulzim Basha ka financuar një kompani, ku anëtar bordi ka qenë kunati i tij.
Për ata që nuk e dinë, CNA.al do të sjellë fakte dhe dokumente ekskluzive në lidhje me një kompani, e cila është një nga outletet më të mëdha të blerjeve në kryeqytet.
E përfolur për një ortakëri të mundshme të kunatit të Bashës, Erion Isufi, por në fakt në bazë të dokumenteve, ka zbuluar se Erion Isufi ka qenë anëtar i bordit të kësaj kompanie. Dhe kjo kompani ka marrë para gjatë kohës që Lulzim Basha ka drejtuar Bashkinë e Tiranës.
Një skandal ky i padëgjuar më parë. I pa sjellë në tregun mediatik. Thjeshtë ka qarkulluar një informacion mbi një ortakëri të mundshme.
Erion Isufi ka përfituar para, kur Lulzim Basha ka qenë kryetar i Bashkisë së Tiranës, nëpërmjet kompanisë ku ka qenë anëtar bordi.