Gjatë ditës së djeshme, Meri Shehu dhe Roza Lati kanë patur një debat mjaft të ashpër me njëra-tjetrën. Madje në një moment, astrologia e njohur ka shpërthyer në ofendime ndaj moderatores.
Ky debat mes tyre është komentuar shumë nga publiku, por nuk kanë munguar as reagimet nga personazhet e njohur. Një ndër ta është dhe ish-banori i edicionit të parë të “Big Brother VIP”, Ardit Çuni.
Ky i fundit ka bërë një postim në “Instastory” ku ka kritikuar banorët për debatet e shumta që kanë bërë që me nisjen e reality show-t.
“Çfarë po ndodh në këtë Big Brother… akoma pa u bërë java këta po varin njëri tjetrin!! Sa e ulët si sjellje kushdo ta ketë patur fajin. Po Meri mos e mban veten për aq VIP sa thotë, e di shumë mirë që ekrani ka ca parime dhe ca rregulla. Të arrihet në të tilla kërcënime për kaq dite nuk di çdo bëhet në vazhdim”– u shpreh ai.