Shqipëria është larg 90 minuta për të shkruar historinë, sigurimin e vendit të 2-të për kualifikueset e “Botërorit 2026”, nëse ia dalin të mposhtin Andorrën në transfertë, kurse Anglia të bëjë “detyrën” kundrejt Serbisë në “Wembley”.
Kjo “panoramë” i jep nuanca historike duelit me Andorrën, edhe pse në “letër” është gjithçka e “sigurtë”. Vetëm pak orë para ndeshjes, bëhet e ditur se trajneri Sylvinho ka vendosur të “përjashtojë” nga lista Klisman Caken dhe Adrion Pajazitin.
Rregullorja e UEFA-s është e qartë, vetëm 23 futbollistë lejohen, ndërsa u ftuan si zakonisht 25. Si Cake dhe Pajaziti do e shikojnë ndeshjen nga tribuna.
Atmosfera te Shqipëria është shumë pozitive dhe i gjithë ekipi dhe stafi është i motivuar për të zhvilluar një ndeshje të mirë.
Sfida ndaj Andorrës është e parafundit në kualifikueset e Botërorit 2026, ndërkohë që më datë 16 nëntor kuqezinjtë do të përballen me Anglinë në stadiumin “Air Albania” të Tiranës në duelin e fundit të kësaj fushate kualifikuese në Grupin K.
LEXO ME SHUME:Tirana “rrëshqet” në mbrojtje, statistika shqetësuese pas 10 javësh kampionat