Ish-drejtori sportiv i Partizanit, Elton Marini ka folur për herë të parë për “Panorama Sport” që pas largimit nga Partizani. Përmes një lidhje Skype, Marini foli për largimin nga klubi si dhe për trajnerin e ri, ashtu edhe për zëvendësuesin e tij. Ndër të tjera ai është shprehur se nuk e quan të mbyllur kapitullin me Partizanin dhe nëse do të kishte qënë sërish në atë post, Colella do të ishte zgjedhja e tij e parë.
“Mjafton që unë u largova me kokën lart si një drejtues që i realizoi objektivat sezonal. Pa pasur ndonjë hatërmbetje për shkak të disa vendimeve që janë marrë bashkërisht me klubin.
Arbër Abilaliaj ka qenë një ndër vartësit e mi në klub, njohja është, kemi pasur bashkëpunim, ai ka qenë përgjegjësi i repartit të skautingut. Ka sinjalizuar disa lojtarë të rinj interesantë, tani i është dhënë detyra e re, shpresoj ta realizojë me sukses.
A do vazhdonte Coella me mua? Për këtë mos keni dyshim që do të ishte zgjedhja ime e parë. Unë jam në kontakt me të gjithë në klubin e Partizanit, jam në kontakt të përditshëm. Kontaktet nuk humbasin, janë raportet humane para se ato të punës.” Përfundoi Marini.