Një raport i inteligjencës amerikane ka implikuar Princin e Kurorës Saudite Mohammed bin Salman në vrasjen e gazetarit Jamal Khashoggi në 2018.
Raporti i deklasifikuar i lëshuar nga administrata e Biden thotë se princi miratoi një plan për të kapur ose vrarë gazetarin e mërguar saudit me bazë në SHBA.
“Ne vlerësojmë se Princi i Kurorës i Arabisë Saudite Muhamed bin Salman miratoi një operacion në Stamboll, Turqi për të kapur ose vrarë gazetarin saudit Jamal Khashoggi”, thuhet në përmbledhjen ekzekutive të raportit.
Është hera e parë që Amerika akuzon publikisht princin e kurorës, i cili mohon të ketë urdhëruar vdekjen e Jamal Khashoggi, i cili u vra ndërsa vizitonte konsullatën Saudite në Stamboll.
Ai ishte i njohur për kritikat e tij ndaj autoriteteve Saudite.
Që në vitin 2018, CIA thuhet se besonte se princi i kurorës kishte urdhëruar vrasjen, por pretendimi se ai ishte i përfshirë nuk ishte bërë kurrë publikisht nga zyrtarët amerikanë deri më tani.