Presidenti amerikan Donald Trump tanimë ka ardhur me një pretendim tjetër, pas atyre të fundit, në të cilat ai “pranoi” se rivali i tij Joe Biden “kishte fituar”, edhe pse ka insistuar se zgjedhjet ishin të “manipuluara”.
“UNË I FITOVA ZGJEDHJET” është postimi i fundit i Trump në rrjetin social Twitter.
Sipas mediave të huaja, komentet e mëparshme të zotit Trump u kishin dhënë disave kritikëve dhe mbështetësve shpresë se Shtëpia e Bardhë ishte e gatshme të fillonte punën për një tranzicion me ekipin e Z. Biden.
Por menjëherë, po të njëjtën ditë, Trump shpejt do ta bënte të qartë.
Trump, pa përdorur emrin e Biden por duke iu referuar atij, tha “Ai fitoi” si pjesë e një postimi që bëri me pretendime në lidhje me zgjedhjet e “manipuluara”.
Por ndërsa presidenti pa që komentet e tij po interpretoheshin si njohja e tij e parë publike e një fitoreje për Biden, Z. Trump shpejt e ktheu kursin.
“Ai fitoi vetëm në sytë e FAKE NEWS MEDIA”, më pas z. Trump shkroi në Twitter. “Unë nuk pranoj ASGJË! Ne kemi një rrugë të gjatë për të bërë. KËTO JANË ZGJEDHJE TË MANIPULUARA”.
Megjithatë, sipas mediave të huaja, nuk kishte mashtrim të përhapur në zgjedhjet e vitit 2020.
Në fakt, zyrtarët e zgjedhjeve nga të dy partitë politike deklaruan publikisht se zgjedhjet shkuan mirë dhe vëzhguesit ndërkombëtarë konfirmuan se nuk kishte parregullsi serioze.
Gjithsesi, fushata e z. Trump është përpjekur të mbështesë sfidat ligjore në të gjithë vendin, por shumë nga proceset gjyqësore janë hedhur poshtë dhe asnjë nuk ka përfshirë ndonjë provë që rezultati mund të përmbyset.
Burimi: Telegrafi