Policia italiane në Varese, në kuadër të kontrolleve që synojnë luftimin e tregtisë së drogës kanë bërë të mundur zbulimin e dy plantacioneve me marijuanë, brenda të cilave gjendeshin rreth 1,700 bimë, 40 kilogramë marijuanë të gatshme.
Po ashtu në pranga kanë rënë dy person, një prej tyre me origjinë shqiptare dhe tjetri vendas.
Mediat fqinje shkruajnë se marijuana u gjet në bodrumin e një vile luksoze në Vanzaghello.
Të arrestuarit kishin përgatitur dy sera të kompletuara me gjithçka që duhej për kultivimin e marijuanës, si dhe të gjitha materialet që duheshin tashmë që ajo ishte bërë gati për t’u korrur.
Si u zbulua bodrumi
Mediat fqinje shkruajnë se policia nuk kishte informacione për serën, por ajo u evidentua si rezultat i kontrolleve në zonë.
Po ashtu dyshues në syrin e policisë ishte fakti që në atë ambient konsumohej energji elektrike edhe gjatë natës, si dhe era që ishte përhapur në rrugë.
Sekuestrimi
Gjatë kontrolleve u sekuestrua gjithë materiali i përdorur për kultivim dhe 40 plumba.
Po ashtu në shtëpinë e shqiptarit, i cili shoqëroi një nga të arrestuarit në kohën e kontrollit, u sekuestruan rreth 9,000 euro para, që dyshohet se janë përfituar si rezultat i shitjes së drogës.