Sarandë, dy trajnerët Muço dhe Neritan Novi në prangë; ushtruan dhunë ndaj futbollistit

Dy trajnerë futbolli në Sarandë janë arrestuar nga policia pasi kanë dhunuar me grushta futbollistin e skuadrës, 21-vjeçarin Albi Selimaj.

Aktualisht futbollisti ndodhet në spitalin e Sarandës, në kujdesin e mjekëve. Policia ka njoftuar se në përfundim të veprimeve për këtë rast, u bë ndalimi i 52-vjeçarit Neritan Novi (trajner i parë) dhe 45-vjeçarit Dhiogjen Muço (trajner altlet), për veprën penale “Goditja e sportistit, trajnerit, arbitrit ose ndërmjetësit sportiv”, kryer në bashkëpunim.

Njoftimi i policisë

Specialistët për Hetimin e Krimeve të Komisariatit të Policisë Sarandë, pas marrjes së njoftimit se një futbollist ishte goditur me grushte, gjatë një ndeshjeje, menjëherë kanë nisur punën për zbardhjen e plotë të kësaj ngjarjeje.

Nga veprimet hetimore ka rezultuar se shtetasi A. S., 21 vjeç (futbollist) ishte goditur me grushte, gjatë një ndeshjeje futbolli, nga 2 trajnerët e ekipit të futbollit në të cilin ai ishte pjesë.

Aktualisht 21-vjeçari ndodhet në spitalin e Sarandës, në kujdesin e mjekëve.

Në përfundim të veprimeve për këtë rast u bë ndalimi i shtetasve N. N., 52 vjeç (trajner i parë) dhe Dh. M., 45 vjeç (trajner altlet), për veprën penale “Goditja e sportistit, trajnerit, arbitrit ose ndërmjetësit sportiv”, kryer në bashkëpunim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

Related posts

Pas suksesit ndaj Skënderbeut, Partizani “shënjestron” Teutën; një rikthim kënaq Abilaliajn

Roko Vata pranon ftesën për Irlandën, trajneri Hallgrimsson zbulon: Nuk e morëm se po interesohej Shqipëria për të, por sepse…

Tiranës i “shpërndahen pjesët”, dy lojtarë në dyshim ndaj Egnatias, Meta dhe Ismajli kanë mbyllur sezonin