Në puntatën e fundit të emisionit “më lër të flas” ishte e ftuar Sara Hoxha, si producente e disa projekteve në Top Channel, ndër to edhe “Big Brother Vip”. Në një dalje të rrallë duhet thënë, pasi ajo nuk shfaqet shumë në media, Sara shkëlqeu duke e superuar me sukses gjithë intervistën nga binjakët.
Në një moment të intervistës Sara foli për marrëdhënien me bashkëshortin Ledion Liço, për të cilën u shpreh se është shumë e konsoliduar. Por në një moment Romeo ndërhyn dhe pyet “po ku ta gjej dhe unë një kaq mirëkuptuese?!”, Sara ia kthen me të qeshur “E ke shumë larg meje, karakter shumë larg meje”.
Për ta kuptuar më mirë duhet të ndiqni videon e mëposhtme dhe është pikërisht ky moment që në rrjete sociale po qarkullon sikur Sara ka folur për lidhjen e Romeos me Lorin.
Ndoshta nuk është asgjë, por fansat me sa duket do të donin një çift mes Lorit dhe Romeos.