Pas dy kërkesave të rrëzuara nga GJKKO, avokati i Sali Berishës, Genc Gjokutaj thotë se sërish kanë kërkuar përjashtimin e gjyqtares, Irena Gjoka.
Sipas avokatit të Sali Berisha, vendimi që ka marrë gjykata është i paprecedente. Gjokutaj citoi ligjin duke thënë se “ai thotë që në momentin ngrihet kërkesa për përjashtimi gjykata nuk mund të marrë ose japë vendim”.
“Me autorizimin e Ramës sipas atij autorizimi vazhdoi edhe gjyqi. Parashtrimi ka qenë i gjatë. Për të gjithë këto rrëzime kërkesash, ne kërkuam për së dyti përjashtimin e gjyqtares. Gjykata e shtyu nesër në orën 15:00. Ata e dinë që edhe kjo kërkesa për përjashtim do rrëzohet. Kjo gjykatë për herë të parë ka hapur një precedent. Të gjitha kërkesat tona i ka rrëzuar pa u marrë vendimi për rrëzimin e kërkesës.
Nëse gjykata do veprojë me Berishën si me trafikantët, po bën një gabim të rëndë. Kjo gjykatë sot ishte e barabartë me gjykatat partizane”, tha avokati i Berishës.