Kukësi dhe Dinamo detyrohen të ndajnë nga një pikë, që për mënyrën sesi shkoi ndeshja u duk rezultati më i drejtë. Në “Kukës Arena”, ndeshja përfundoi me shifrat 1-1, në një përballje me ritëm dhe raste të shumta. Do të ishin vendasit që do të rrezikonin të parët me Salami në minutën e 11′, por Sali mbajti në lojë blutë me atë pritje. Kryeqytetasit rrezikuan në minutën e 24’ me Dennison por tentativa e brazilianit përfundoi jashtë.
PJESA E DYTË
Në pjesën e dytë, të dyja skuadrat u zhbilancuan në lojën e tyre dhe kërkonin me patjetër të gjenin golin. Në minutën e 69′, në një moment pasigurie në mbrojtjen e Dinamos, Hasaj pason për Salami me sulmuesin që shënon dhe zhbllokon sfidën.
Goli i pestë në kampionat për sulmuesin nigerian. Pesë minuta do të zgjaste festa e verilindorëve, pasi Dinamo do të shënonte me Tahirin pas topit të dhënë nga Qefalija. Një barazim që lë Dinamon në vendin e katërt në pritje të rezultatit të Skënderbeut, ndërsa Kukësi vazhdon në fund në kuotën e 26 pikëve.
LEXO MË SHUMË:Dinamo, fitorja ndaj Teutës lë me pasoja kryeqytetasit; dy titullarë mungojnë ndaj Kukësit
Mesfushori Bakary Goudiaby dhe sulmuesi Baton Zabërgja nuk do të jenë nën urdhrat e trajnerit Mehmeti në transfertën e së dielës, ku Dinamo do të udhëtojë drejt Kukësit për t’u përballur me verilindorët. Të dy këta lojtarë u ndëshkuan me karton të verdhë në “Air Albania”, duke arritur kështu në numrin e katër të tillëve. Në krahun tjetër, Dritan Mehmeti duhet t’i bëjë llogaritë pa dy lojtarë kyç si Goudiaby dhe Zabërgja.