Java e dytë e Kategorisë së Parë do të luhet e ndarë në dy ditë, të shtunën dhe të dielën. Dy sfidat më interesante të javës do të transmetohen drejtpërdrejt në rrjetin e Radio Televizionit Shqiptar.
Të shtunën do të luhen katër ndeshje të javës së dytë në Kategorinë e Parë. Apolonia-Luftëtari, në orën 17.00, do të transmetohet direkt në RTSH 2, ndërsa ndeshjet e tjera të së shtunës janë Iliria-Pogradeci, Korabi-Besa dhe Laçi-Kastrioti.
Të dielën në orën 17.00 do të jenë dy ndeshjet e tjera të javës. Burreli pret Kukësin, ndërsa Lushnja pret Skënderbeun. Kjo e fundit do të transmetohet direkt në RTSH 2.