Nis “revolucioni” te Besa. Kavajasit kanë larguar jo pak, por shtatë lojtarë brenda një ditë. Kjo listë ka prekur çdo repart, nga porta e deri në sulm.
Gjithçka nis me portierin rezervë Endri Allmuça, 19-vjeçari e mbylli vitin me 0 minuta. Vijon me mesfushorë si Xheron Osma dhe Ergi Ajazi, që gjithashtu nuk kanë pasur hapësirat e tyre në këtë pjesë të parë të sezonit.
Në sulm janë përfshirë Andrea Lila dhe Arbri Pengu. I pari është si të rinjtë e tjerë, ndërsa i dyti ka luajtur në 14 ndeshje dhe ka 636 minuta në këmbë.
Por largimi që bie më shumë në sy dhe i vetmi në mesin e atyre që kanë një lloj peshe, është Albi Xhebrahimi. Dhe ky i fundit i ka dhënë shpejt drejtim vetes, pasi ka gjetur direkt ekip. Ka arritur shpejt akordin me Vorën dhe këta të fundit e kanë prezantuar.
Ndërkohë që nuk dihet fati i mesfushorit kavajas Arbër Deliu, i cili shprehet se ka kontratë deri në qershor 2024, por që burime nga klubi e bëjnë të larguar nga Besa me mirëkuptim.