Pritje e ethshme në Arabinë Saudite për ardhjen e Cristiano Ronaldo. Sulmuesi do të luajë deri në vitin 2025 për Al-Nassr. Gazeta saudite e lajmeve Arriyadiyah raporton se Ronaldo do të mbërrijë në Riad, kryeqyteti i vendit, të hënën në mbrëmje rreth orës 23:00 me orën lokale me një avion privat që do të merret nga Madridi. Ikona portugeze do t’i nënshtrohet testeve të plota mjekësore përpara se të prezantohet zyrtarisht para një publiku adhurues në një ceremoni luksoze që do të mbahet në Mrsool Park, stadiumin vendas të Al-Nassr.
Klubi saudit ka lëshuar një njoftim për shtyp duke konfirmuar detajet për ngjarjen, ku thuhet: “Nënshkrimi i ri ikonë i Klubit të Futbollit Al Nassr, Cristiano Ronaldo do të shënojë paraqitjen e tij të parë në Arabinë Saudite, ndërsa ai shkon në stadiumin e klubit, Mrsool Park, ku do të zbulohet zyrtarisht para dhjetëra mijëra fansave të ngazëllyer për herë të parë në orën 19:00 me orën lokale saudite (GMT +3) nesër në mbrëmje, e martë 3 janar.”