Erzeni ka rifituar qetësinë në portë. Klevis Hasanbelli ishte një nga lojtarët më të mirë të ekipit shijakas në ndeshjen ndaj Tiranës mbyllur në barazim 1-1. Portieri u dëmtua në dorë gjatë ndeshjes me ekipin e Partizanit në atë ndeshje ku portieri arriti të ndal dhe penalltinë e goditur nga Tedi Cara.
Hasanbelli edhe pse 4 javë jashtë fushave të blerta kthehet më në formë se kurrë.Në ndeshjen ndaj Tiranës gardiani arriti të priste plot gjashtë goditje në kuadrat duke mbajtur portën e paprekur deri në minutën e 81-të.Edhe pse ndeshja përfundoi në barazim 26-vjeçari mund të quhet padyshim lojtari i ndeshjes.Këtë sezon Klevis Hasanbelli në 16 ndeshje ka mbajtur 6 herë portën e paprekur.