Në Serie A, Roma mposhti Leccen me rezultatin 2-1, një sukses që erdhi vetëm në minutat e fundit të ndeshjes. Si zakonisht, për Leccen ishte edhe mesfushori i kombëtares, Ylber Ramadani. 27-vjeçari zhvilloi një përballje të mirë, teksa përshkroi shumë kilometra në fushë. Ramadani është vlerësuar me notën 6.5 nga Eurosport dhe përshkrimi për të është:
“Një provë e suksesshsme në mesfushë, përshkruan një sasi të padeshifrueshme kilometrash”, shkruhej për Ylber Ramadanin. Performancat e Ramadanit tashmë nuk janë më një surprizë teksa ish-lojtari i Partizanit është shndërruar në busullën e mesfushës së Lecces, ndërsa forma e tij pozitivë është pasqyruar edhe në kombëtaren e Sylvinhos.