Nuk do të ketë asnjë ministre grua në qeverinë e re të Afganistanit, tha zëdhënësi i talebanëve, Zabinullah Mujahid.
Mujahid i tha gazetës italiane “Republika” se gratë mund të punojnë në ministri, polici ose, për shembull, si asistente në gjyqësor.
I pyetur se kur do të paraqitet qeveria e re, ai tha se talebanët do të formojnë një qeveri të unitetit kombëtar sa më shpejt të jetë e mundur.
Al-Jazeera njoftoi më parë se nuk do të kishte zyrtarë nga administrata e mëparshme në qeverinë e re të Afganistanit.
Ndryshe, vendimet për përbërjen e qeverisë së re pritet të shpallen të shtunën.