Shkëndija e Tetovës është mposhtur edhe në ndeshjen e dytë ndaj Qarabag, pas humbjes minimale 0-1 në Shkup, këtë herë kuqezinjtë e Tetovës u mposhtën 5-1. Një ndeshje që në plan të parë nisi mirë për ekipin e Jeton Beqirit që shënuan të parët me Tamban në minutën e 10′. U mendua se Shkëndija do të arrinte të administronte këtë avantazh minimal, por Cake në minutën e 16′ shkaktoi autogol, pas dy minutash shënoi Borges, ndërsa Akhundzade dhe Jankovic realizuan në minutat 33′ dhe 35′ duke e mbyllur pjesën e parë me rezultatin 4-1.
Në minutën e 59′ Leandro Andrade shënoi golin e pestë për kampionët e Azerbajxhanit. Aventura e Shkëndijes nuk mbaron këtu pasi do të luajë në turin Play-Off të Europa League ku do të sfidojë një mes Ludogorets ose Ferencvaros.