Largimi i Dijonis Bibës nga “Ferma VIP” ka shokuar jo vetëm teleshikuesit, por edhe fermerët.
Deri në momentin e fundit, fermerët mendonin se ky largim do ishte një shaka e Agait, por jo!
Këngëtari Renis Gjoka, i cili kishte një afrimitet dhe shoqëri me Dijonisin, tha se ky largim ishte i paralajmëruar.
“Unë e gjeta veten time duke mos folur për 2 orë. Buçko, Baby G e kuptuan situatën, dhe nuk flisnim fare. Për mua, hiq Albanon që jashtë jemi si vëllezër, ai ishte shoku më i mirë që gjeta në fermë. Si lojtar ishte i fortë. Kemi bërë biseda me Dijonisin që me të tjerë nuk i kam bërë.
Për mendimin tim, ai kishte kohë që e shprehte, edhe për faktin që numëronte ditët mbrapsht. Ai ka nevojë për një territor më të madh. Ne merreshim vesh edhe me sy dhe që ditën e parë e vura re që nga dita e parë, më shumë kemi bërë biseda me sy sesa kemi folur. Është një njeri i jashtëzakonshëm, shpresoj të takohem dhe ta kem mik të mirë”, tha Renisi.
Ndërkohë këtë javë në televotim kane qenë Albano Bogdo, Ditea Berisha, Florian Agalliu dhe Xhesika Polo, por me largimin e Dijonisit, ky televotim do të shtyhet për ditën e hënë.