Eljon Sota është shqetësimi i radhës te Partizani sa i përket dëmtimeve. Mbrojtësi nga Fieri nuk e mbylli dot derbin me Tiranën për shkak të një dëmtimi, i cili pas testeve të kryera ditën e djeshme ka rezultuar të jetë një tërheqje e gradës së parë.
Kjo pritet ta detyrojë Sotën të qëndrojë 3-4 javë jashtë fushave, çka përbën një “dhimbje koke” për Partizanin, pasi fieraku është lideri i mbrojtjes në këtë sezon.