Presidenti Bajram Begaj i ka shprehur ngushëllimet familjarëve të 41-vjeçarit që humbi jetën në aksidentin në Kroaci ku u përfshi një autobus me targa shqiptare.
Begaj siguron familjarët e të plagosurve se po ndjek në vijimësi situtën duke komunikuar me Ambasadorin shqiptar në Kroaci, si dhe me autoritetet kroate.
“Presidenti i garanton familjarët e të gjithë pasagjerëve te lënduar se shteti shqiptar është pranë tyre”, thuhet në njoftim.
Reagimi:
Presidenti i Republikës Sh. T. Z. Bajram Begaj po ndjek me shqetësim aksidentin tragjik që ndodhi sot në Kroaci ku humbi jetën një shqiptar dhe u lënduan disa të tjerë.
Presidenti Begaj i shpreh ngushëllimet familjarëve për humbjen e njeriut të tyre të dashur.
Gjithashtu ai i siguron të gjithë familjarët e të lënduarve se po e ndjek situatën në vijimësi duke komunikuar me Ambasadorin shqiptar në Kroaci, si dhe me autoritetet kroate.
Presidenti i garanton familjarët e të gjithë pasagjerëve te lënduar se shteti shqiptar është pranë tyre.