Edi Rama ka zyrtarizuar ditën e sotme miqësoren e Partizanit. Demat do të luajnë një miqësore luksi me Romën e Jose Mourinhos më 12 gusht.
Kjo do të jetë hera e dytë për trajnerin portugez në Tiranë, ndërsa ndan kujtime të bukura nga kryeqyteti shqiptarë, pasi në sezonin 2021-2022 arriti të fitonte trofeun e parë të Conference League në “Air Albania”.
Nëpërmjet një postimi në rrjetet sociale, kryeministri Edi Rama e mirëpret “Special One” në Tiranë. Kujtojmë se kjo miqësore do të luhet dy ditë pas sfidës me Valmieran në Conference League, e vlefshme për turin e tretë të këtij kompeticioni.
“Wow, Perandori i ri i Romës kthehet në Tiranë. Mirë se erdhe Jose”, ka shkruar Rama.