Fitorja ndaj Egnatias në javën e parë të kampionatit duhet harruar shpejt, sepse për Skënderbeun vjen përballja me Dinamon. Korçarët do të luajnë ndeshjen e parë të sezonit në shtëpi me një moral të lartë, por përballë kanë një kundërshtar që pavarësisht humbjes ndaj Tiranës ka bërë një merkato cilësore. Në konferencën për shtyp, trajneri i Skënderbeut Ivan Gvozdenovic flet në prag të përballjes.
“Mendimi im ëshë se nuk është më ajo skuadër që kemi luajtur në Kategorinë e Parë, tani është një skuadër më e fortë, me një trajner që ka një mentalitet ndryshe. Nesër do të jetë një ndeshje e fortë, kemi besim dhe them se do të marrim tre pikë.
Është një luftë, pasi do të jetë një përballje e fortë, do të ketë shumë dyluftime, shumë vrapime. Jemi të gjithë gati dhe sa i përket formacionit mund të them se do të ndryshoj vetëm dy ose tre lojtarë nga formacioni fitues me Egnatian”. Përfundoi trajneri i Skënderbeut