Të programosh një sezon në çdo detaj dhe për më tepër duke respektuar të gjitha afatet logjike për ndërtimin e një skuadre, të ndihmon dhe jo pak për të ngritur një grup të suksesshëm që javë pas jave konsolidohet edhe më shumë duke e mbyllur sezonin me këmbën në gaz.
Egnatia po jeton sezonin më të lavdishëm të klubit. Në kampionat skuadra rrogozhinase ka mbrojtjen më të mirë dhe sulmin e tretë më produktiv ndërsa vetëm një sukses në javën e ardhshme dnaj Kastriotit e ndan nga objektivi filllestar dhe më i rëndësishëm, kualifikimi në Conference League.
Më pas, 1 qershori në “Arenën Kombëtare” kundër Tiranës do të jetë “qershia mbi tortë”. Presidenti Agim Demrozi ka menduar të shpërblejë skuadrën për këtë sukses. Sipas shtypit të shkruar raportohet se 7 milionë lekë do të shpërndahen si premio te lojtarët dhe stafi i skuadrës.
Titullarët me shumë gjasa do të marrin nga 400 mijë lekë, teksa pjesa tjetër do t’u shpërndahet edhe stafit dhe lojtarëve të stolit.