Pjesa më e madhe e anëtarëve të Parlamentit Europian ka votuar pro liberalizimit të vizave për Kosovën. Ndërkohë pritet që ky vendim të miratohet edhe në Këshillin Europian.
Ky vendim është mirëpritur nga kryeministri i Kosovës Albin Kurti, i cili shkruan në Twitter se shembulli i Parlamentit Evropian duhet të ndiqet edhe nga Këshilli Europian. Sipas tij izolimi i qytetarëve të Kosovës është i padrejtë.
“Unë e mirëpres votën e sotme të shumicës dërrmuese nga PE në favor të liberalizimit të vizave për Kosovën. Këshilli Europian duhet të ndjekë shembullin e Komisionit Europian dhe vullnetin e shumicës së Parlamentit të BE-së dhe të veprojë për t’i dhënë fund izolimit të padrejtë të qytetarëve të Kosovës”.
Më parë Komisioni Europian ka konfirmuar që Kosova ka përmbushur të gjitha standardet e liberalizimit të vizave.