Partizani mori barazimin e dytë radhazi dhe bashkë me pikën edhe pakënaqësinë e teknikut Zoran Zekic. Pikërisht kjo mënyrë sjellje e kroatit nuk i ka pëlqyer ish-sulmuesit të të kuqve Edmond Dosti, gjithnjë shumë i vëmendshëm në cështjet që i përkasin klubit. “Mendoj se fjalët e Zekiç janë vetëm justifikime, pasi vetëm Zekiç mban përgjegjëësi për gjithçka pasi është trajner i ekipit dhe ai vendos për gjithçka”, thotë Edmond Dosti.
1-1 kundër Egnatias erdhi edhe falë përformancës fantastike të kapitenit Alban Hoxha, i rikthyer mes shtyllave pas dëmtimit të Qirkos e që shpëtoi rezultatin duke i pritur penalltinë Duamenas. Për Dostin ai është lideri që i duhet Partizanit në fushë.
“Mendoj se Partizanit i mungon një lider në fushë dhe me Albanin (Hoxhën) them se e ka gjetur. Ai është një figurë në këtë klub prandaj kontributi i tij i jep diçka më shumë ekipit”, tha ish-lojtari i Partizanit.
Dosti ka luajtur me Partizanin në vitet 80-90, duke kontribuuar në titullin kampion të sezonit 92-93 si golashënuesi më i mirë i edicionit. Edhe pse në karrierë ka luajtur edhe me skuadra të tjerë, të huaja gjithashtu, Partizani ka patur gjithnjë një vend të veçantë në zemrën e tij.