Trajneri i Dinamo City-t, Dritan Mehmeti ka folur në konferencën për shtyp përpara takimit që skuadra e tij do të zhvillojë ndaj Partizanit. Tekniku i bluve, tregoi edhe situatën e skuadrës.
“Gjendja është e mirë. Derbi është derbi dhe sjell emocione pozitive, sepse janë ndeshje që kanë vlera. Janë dy skuadra që i kanë dhënë tonin futbollit shqiptar. Partizani është ekip shumë i mirë dhe në gjendje të mirë këto javët e fundit. Kjo e bën më të vështirë ndeshjen. E njohim shumë mirë Partizanin dhe do të bëjmë maksimumin, duhet të jemi racionalë. Partizani të imponon respekt, por kërkojmë pikë”.