Mbyllet pa fitues dhe pa gola dueli Vllaznia-Partizani. Sfidë të cilën kampionët në fuqi të Shqipërisë e luajtën me një lojtar më pak prej minutës së 14’.
Me senegalezin Maguette Gueye, që u ndëshkua me karton të kuq pas dy të verdhëve të shpejtë, duke lënë në inferioritet numerik për një kohë të gjatë skuadrën e Zoran Zekic.
Pjesa e parë foli për “Demat”, ndërkohë që shkodranët e drejtuar nga Migen Memelli dominuan fraksionin e dytë të takimit. Në minutën e 39′ mbështetësit kuqeblu nisin vërshëllimat sa herë Vllaznia humb topin me lehtësi, duke mos shfrytëzuar epërsinë numerike në fushë.
Rastet nuk munguan në të dy krahët, por gola nuk pati. Përfundimisht 0-0, me të dyja skuadrat që vijonë të jenë të pamposhtura në Superiore. Kampionati kryesohet nga Tirana me 7 pikë. Ndërkohë që java e tretë mbyllet me duelin e së premtes: Laçi-Teuta.