Eros Grezda rikthehet në orbitën e Partizanit. Sulmuesi i djathtë, që ishte pjesë e Zalaegerzeg, del lojtar i lirë në fund të muajit. Aktivizimi i paktë e shtyn gjakovarin që të mos rinovojë në Hungari dhe Partizani është kthyer sërish në skenë si opsion për sulmuesin.
Mësohet se ka pasur kontakte mes palëve, me 28-vjeçarin, që konsiderohet si një lojtar, që mund të shtojë lidershipin dhe cilësinë në skuadër.
Ish-sulmuesi i Kombëtares luajti vetëm në 7 ndeshje që nga janari në kampionatin hungarez dhe shënoi 1 gol. Te Partizani ai do të gjente habitatin e duhur për t’u ngritur dhe për të tentuar edhe një herë nivelet e larta dhe Kombëtaren. Duhet thënë se “demat” nuk janë të vetmit në garë për të.