Te Partizani duket se iu kanë bërë “bllok” pushimeve, në këto ditë festive, teksa ditën e sotme “demat e kuq” kanë zyrtarizuar miqësoren ndaj Laçit.
Ky takim është planifikuar të zhvillohet në datën 30 dhjetor, në orën 12:00, në stadiumin “Arena e Demave”. Lajmi është konfirmuar nga vetë klubi i kuq nëpërmjet faqes zyrtare.
Me shumë gjasa, në këtë test miqësor, trajneri Kërnaja, do të provojë edhe ndonjë element të ri, i cili synon të bëhet pjesë e Partizanit në vitin e ri kalendarik.
MUNGESAT E PARTIZANIT
Mungesat janë të shumta për trajnerin Kërnaja, i cili ndodhet para përgjegjësisë ku duhet të improvizojë mesfushën. Kartoni i verdhë i Rouen Hjumen i shkon Partizani-t në momentin më të papërshtatshëm. Fantazisti plotësoi numrin e tyre dhe për këtë duhet të mungojë. Doumbia është raportuar më parë se e ka mbyllur vitin, ndërsa duke u bërë bashkë me Hjumen si mungesë, atëherë problemi bëhet i madh. I vetmi që ka mbetur në mesfushën e preferuar të Kërnajës është Redon Ismaili. Po ashtu edhe Jata qëndron i dëmtuar dhe nuk mund të llogaritet. Një tjetër dëmtim që shqetëson jo pak është ai i Albion Markut.