Java e tretë e kampionatit portugez u mbyll me sfidën mes Portimonense dhe Guimaraes. Një sfidë mes dy skuadrave që e kishin nisur mirë sezonin dhe që tani gjenden së bashku në vendin e katërt dhe të pestë me 6 pikë në renditje.
Një pushtim fushe krejtësisht ndryshe nga ai që kemi parë në një ndeshje futbolli. Një rast i bukur na vjen nga kampionati argjentinas në ndeshjen Defensa y Justicia kundër Boca Juniors. Ekipi verdheblu fitoi me shifrat 1-0 dhe goli erdhi nga pika e bardhë e penalltisë.
Pas golit, një tifoz i vogël hyri në fushë dhe vrapoi drejt portierit të Defensa, Ezequiel Unsain, i cili vrapoi për ta përqafuar. Një moment emocionues, me pamjet që u bënë virale. Klubi Defensa y Justicia nis një apel menjëherë pas ndeshjes.“Miq të Twitter, na ndihmoni të gjejmë këtë djalë që na emocionoi të gjithëve me këtë përqafim që i bëri Ezequiel Unsain”.
Kjo është arsyeja pse klubi tani është në kërkim të këtij tifozi të vogël. Ai dëshiron të njohë identitetin e tij, dhe ndoshta ta marrë si shembull për t’u treguar të gjithëve se ndonjëherë duhet shumë pak për ta bërë këtë sport edhe më të veçantë. “Më në fund është një imazh i bukur”, shkruan dikush në rrjetet sociale duke komentuar postimin në Twitter të publikuar nga klubi argjentinas.