Ish-kryeministri Sali Berisha do të mbajë pasditen e sotme rreth orës 18:00 takimin e radhës me demokratët e Fierit, në kuadër të turit “Foltorja”.
Pak orë para nisjes së takimit Sali Berisha ka publikuar një video në rrjetet sociale ku shfaqet i rrethuar me simpatizantë.
Në video ish-kryeministri Berisha deklaron: “Për shpëtimin e Partisë Demokratike dhe të Shqipërisë nga pazaret e turpshme, të Lulzim Bashës dhe Edi Ramës”.
Kujtojmë që të enjten e javës së kaluar Berisha nisi turin e takimeve me demokratët në Tiranë.
Mesazhi i Berishës
Një përshëndetje të përzemërt të dashur miq me këtë video të një momenti historik, të mbrojtjes së sovranitetit të zgjedhësve, parlamentit dhe vendit! Rroftë Shqipëria. sb
