Laçi dhe Partizani kanë barazuar në ndeshjen e vlefshme për javën e 29-të të “Abissnet Superiore”. Sfida e zhvilluar në stadiumin “Laçi” të Kurbinit, përfundoi me rezultatin 1-1. Pas kësaj sfide, për mikrofonat e MCN TV ka folur trajneri i Partizanit, Orges Shehi.
FJALËT E ORGES SHEHIT
NDESHJA- Një pikë s’mund të them që është shumë apo pak, por ka vështirësi të luash me 1 lojtar më pak për shumë minuta. Në kushtëzoj shumë ai karton i kuq dhe më pas ndërrimi i Hadrojt. Laçi ka cilësi dhe djem të rinj që luajnë mirë dhe sidomos në fushën e tyre janë të fortë.
BARAZIMI-Të dalësh barazim është shumë më mirë se të humbësh. Futbolli ka episode që nëse do t’i zgjidhnim më mirë do ishte ndryshe. Por lodhja ka ndikim. Disa fragmente me Hadrojn që shkuam lart, por ai nuk goditi mirë që mund të finalizonte. Edhe kjo është kosto fizike.”
GJENDJA E SKUKËS- Është një periudhë ndeshjes delikate pasi luajmë me rivalët tanë direkt. Përsa i përket dëmtimeve, mendoj se Skuka nuk ka ndonjë dëmtim por ai vuan nga stomaku. Ka tre ditë që është në këtë gjendje. Edhe në stërvitje ka patur problemin e njëjtë”, u shpreh fillimisht Shehi.Shpresoj t’i zgjidhet kjo situatë shëndetësore. Hadrojn mund ta lëmë ndonjë ditë pushim për t’u rikuperuar pasi po konsumohet. Shpresoj këtë javë të na kthehet Mehmeti.”
GJENDJA FIZIKE-“Varet se në çfarë situate e bën konstatimin. Dalim me një mangët dhe jemi ne kontrollues në lojë. Ndërsa në pjesën e dytë patjetër që do të konsumohet skuadra. Dihet që ne kemi vështirësi në terrenin ku stërvitemi dhe vijmë në bar natyral 1 herë në javë.”
MIKULIC– Ai ka nevojë të përshtatet. Çdo lojtar bën gabime. Detyra ime është të inkurajoj lojtarët. Duhet t’i jap mbështetje.” Përfundoi Orges Shehi