Laçi qendron në Kategorinë Superiore. Kurbinasit, falë përvojës dhe faktorit fushë, mposhtën 3-1 në kohën shtesë Flamurtarin në finalen për qëndrimin në elitë, duke mbyllur me objektivin minimal një sezon me shumë ulje-ngritje. Dështimi në kampin vlonjat nuk është përjetuar mirë, mësohet se të gjithë lojtarët kanë dorëzuar bazën materiale, çka tregon se gjithçka do të nisë nga zero për sezonin e ardhshëm.
Pas dorëzimit të çantave, zhvilluan një takim të shkurtër me drejtorin Alfred Ferko. I pranishëm ishte edhe trajneri Eqerem Memushi. Ra në sy mungesa e administratorit Sinan Idrizi, që nuk ka preferuar t’i takojë pas dështimit të objektivit. Trajneri Memushi ka falënderuar lojtarët për bashkëpunimin.