Lulzim Basha deklaroi para pak ditësh se nuk ka humbur asnjë betejë duke lënë pa fjalë çdo shqiptar.
Pasi u bë subjekt memesh në median sociale, ndaj tij vërshuan kërkesat për dorëheqje.
Shumica e besnikëve kërkuan largimin e tij pas disfatës së 6 marsit.
Sot Basha u ‘gozhdua’ nga gazetarët, që insistuan të mësojnë se kur do të japë dorëheqjen.
Basha tha se është në proces reflektimi, por foli për ‘humbje në zgjedhjet e 6 marsit’.
Basha pranoi humbjen në zgjedhjet e 6 marsit, ndërsa theksoi se është i gatshëm të ndërmarrë çdo hap që PD-ja të dalë nga kjo situatë.
Kurse deputetët Dhurata Çupi dhe Ervin Salianji ishin të prerë për median para Kuvendit, kur kërkuan largimin urgjent të Bashës.