Kreu i Agjencisë Shtetërore të Kadastrës, Artan Lame, ka humbur babanë.
Lajmin e ka bërë me dije vetë Lame, përmes një postimi në “Facebook” ku shkruan:
“Adili, nuk e fitoi dot betejën me sëmundjen. Të gjithë menduam se do t’ja dilte, por nuk kish qenë e thënë”.
Një ditë më parë në rrjetet sociale qarkulloi një lajm se kreu i Kadastrës është infektuar me Covid-19, ndërkohë që nuk dihet se nga cila sëmundje e ka humbur jetën babai i tij sot.
Postimi i plotë
“Me trishtim ju bëj me dije se babai, Adili, nuk e fitoi dot betejën me sëmundjen. Të gjithë menduam se do t’ja dilte, por nuk kish qenë e thënë. Iku i qetë, duke na lënë të gjithëve midis trishtimit që nuk ju gjendëm dot pranë në momentet e fundit.
Ftoj të gjithë ata që e patën njohur në jetë, ta kujtojnë gjithmonë me humorin e përhershëm dhe dashurinë për jetën”, shkruan Lame krahas fotos së babait.