Presidenti i Tiranës, Refik Halili, i ftuar në emisionin “EliteShow” në SuperSport ka folur për shumë tema. Nga periudha e tij e gjatë te Tirana, por edhe për epokën e Orges Shehit, me të cilin tha se klubi bardheblu është shpallur dy herë kampion.
Por Halili është ndalur edhe te largimi i Tefik Osmanit, me këtë të fundit që kishte rolin e drejtorit sportiv. Por Osmani vendosi të largohej nga Tirana, për të ushtruar të njëjtin profesion te Vllaznia.
“Zhgënjimi më i madh i jetës sime. Nuk e di pe u largua, pyesni Osmanin. Ndoshta ngaqë unë pata një takim me kapitenin Najdovski dhe ndoshta ai mendoi se i hoqëm spaletat. Spaletat u janë hequr gjeneralëve më të mëdhenj. Tani ka shkuar te Vllaznia dhe thotë se do të ketë shumë investime dhe do të fitojë titullin kampion”, është shprehur Refik Halili.