Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.
Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj. Ndërkohë, lufta sa vjen e bëhet edhe më e fortë, teksa banorët duan të fitojnë çmimin e madh. Të ftuar në “Big Brother Radio” ishin Gazmend Ujkashi dhe Grinesi, të cilët bënë një analizë të detajuar mbi banorët dhe situatat e “BBV3”. Ish-banori, Gazi, komentoi ndër të tjera, lojën e Meritonit.
Meritoni do doja të ishte lojtari i fortë ai dhe Romeo. Të jenë shtyllat për ta kapur trofeun. Kjo është ajo që mendoj unë nga analiza që kam bërë. Meritoni ka qenë lojtar, i dashuri, jo vetëm me Ilnisën, por edhe i dashur me lojtarët e tjerë. Ka bërë luftën më të fortë ndaj Eglës. Unë them Egla është 100% lojtare. Meritoni është edhe njeri, edhe lojtar, edhe artist, edhe zemërmirë. Mua më pëlqen shumë imazhi i një djali të ri me kaq formim dhe mbi të gjitha është djalë i besës. Nëse deklaron që e do dikë, ai nuk tradhton…