Sezoni i tretë i “Për’puthen” ka pasur shumë hyrje e dalje të papritura si asnjëherë më parë çfarë kemi parë në dy sezonet e parë.
Me anë të një statusi në Instagram, Azem Halimi, djali nga lugina e Preshevës, bëri të ditur për ndjekësit që nuk është më pjesë e Për’puthen.
Duke treguar mirënjohje për këtë rrugëtim të veçantë, ndryshe nga shumë personazhe, ai i ka ndarë punët mirë me produksionin. Por mesa duket bota e televizionit i ka pëlqyer dhe Azemi mendon të jetë pjesë e saj.
Me anë të postimeve të fundit kemi kuptuar që ai po përgatit diçka që ka të bëjë më kamerat dhe fotografitë. Por se çfarë konkretisht mbetet për t’u parë në vazhdim.
Kujtojmë që në Për’puthen ai zhvilloi takime me Tolën, Ritvanën dhe Rrushen, por që me asnjërën nuk arriti të dalë i përputhur.
Azemi është komentuar si djali i emocioneve dhe është vlerësuar për sinqeritetin e tij. Ai shpesh herë u drejtohej dhe vajzave, nga të cilat kërkonte sinqeritetin dhe përkushtimin që u jepte.
Ai u përfol për një lidhje të mundshme me Ritvanën, e cila ka shprehur haptaz pëlqimin për të e mesa duket vazhdojnë të kenë komunikim. Ajo vlerësonte te Azemi djalin tradicional, me moral dhe transparent me vajzat në program.