Një grua e moshuar 60-vjeçare është gjetur e pajetë në ishullin e Kythira të Greqisë.
Mediat greke kanë raportuar se trupi i të moshuarës është gjetur në një parking pothuajse i djegur i gjithi. Gruaja e pajetë rezulton të jetë pronare e një dyqani në atë zonë.
Gjithashtu familjarë të saj kanë dëshmuar se ajo kishte konflikte pronësie me disa persona por ende nuk dihet se çfarë fshihet pas gjithë ngjarjes.
Policia greke ndërkohë po heton dy pista, një të vrasjes dhe një tjetër të vetëvrasjes.