Ndeshja Egnatia-Partizani rezultoi fatale për futbollistin Raphael Dwamena, i cili ndërroi jetë pas rrëzimit në fushën e blertë. 28-vjeçari, golashënuesi më i mirë i Egnatias u rrëzua në minutën e 25 të ndeshjes, e më pas për shkak të gjendjes u dërgua drejt spitalit të Durrësit, ku dhe nuk ka mundur të mbijetojë.
Pavarësisht dërgimit me urgjencë në spital, sulmuesi i skuadrës rrogozhinase nuk e ka përballuar sulmin në zemër. Ndeshja u ndërpre, menjëherë pasi ai humbi ndjenjat në fushë. Vdekja e Dwamenas është pasqyryar edhe në mediat më prestigjoze europiane. ‘Sky Sport Italia” ka shkruar për sulmuesin, duke përmendur edhe golin që i shënoi Interit. Edhe gazeta spanjolle Marca shkruan: Raphael Dëamena, ish-lojtari i Zaragoza-s dhe Levantes vdes pasi ra pa ndjenja në një ndeshje në Shqipëri.