Nevil Dede i gëzohet këtij trepikëshi të skuadrës së tij, e cila erdhi pas një jave të vështirë. Tekniku pohon se kjo fitore shërben për aspektin psikologjik.
“Për të qenë realistë, ka qenë një javë e vështirë. Është normale, sepse kur nuk ke rezultatet kështu ndodh. Jemi të kënaqur me faktin që u rikthyem te fitorja, që na ndihmon edhe në aspektin psikologjik. E rëndësishme është që rikthyem entuziazmin edhe te tifozët”, u shpreh fillimisht kreu i pankinës elbasanase, që pohon se tani kërkohet vazhdimësi.
“Ky grup dhe kjo skuadër po ndërtohet për të pasur sukses. E rëndësishme është që tani të kemi vazhdimësi. Presim edhe rikuperimin e lojtarëve të dëmtuar, sepse bëhet për 6-7 lojtarë që janë jashtë”, përfundoi Nevil Dede.