Kosova do të luajë ndaj Zvicrës në ndeshjen e raundit të nëntë të Grupit I në kuadër të kualifikueseve në Kampionatin Europian “Gjermani 2024”.
Ndeshja mes Dardanëve dhe Helvetikëve është paraparë të zhvillohet të shtunën mbrëma me fillim nga ora 20:45 në stadiumin “St. Jakob-Park”. Përpara ndeshjes, Xherdan Shaqiri ka lënë pas anën patriotike dhe në konferencën për shtyp u shpreh.
“Unë me të vërtetë dua që ne ta fitojmë ndeshjen dhe të festojmë para tifozëve tanë në fund të kësaj loje speciale. Sigurisht që do të doja të shënoja edhe një gol, sepse më pëlqen të shënoj gola për Zvicrën dhe do të festoj nëse shënoj kundër Kosovës. Por nuk do ta ekzagjeroj, sepse respekti për Kosovën më thotë të mos festoj shumë, tha Shaqiri.